«БОЛАШАҚ ОЙЫНДАРЫ 2026» (GOTF 2026) ТУРНИРІНЕ БАҚ АККРЕДИТАЦИЯСЫ АШЫЛДЫ
«Болашақ Ойындары 2026» (The Games of the Future 2026, GOTF 2026) - цифрлық және физикалық белсенділікті бірыңғай жарыс экожүйесіне біріктіретін фиджитал-спорт әлеміндегі ең ірі халықаралық мультиспорттық турнир.
Халықаралық турнирдің жергілікті ұйымдастырушысы - Қазақстан Республикасы Туризм және спорт министрлігінің қолдауымен «Қазспортинвест» АҚ. Бағытты дамыту және іс-шараны өткізу форматтың құқық иеленушісі Phygital International және Дүниежүзілік Phygital қауымдастығымен (WPC) бірлесіп жүзеге асырылады.
«Болашақ Ойындары 2026» (GOTF 2026) Астана қаласында 2026 жылғы 29 шілде мен 9 тамыз аралығында өтеді. Халықаралық клубтарға біріккен 800-ден астам қатысушы, сондай-ақ технологиялық брендтер мен мыңдаған көрермен жаңа буын жарысының 12 күнінде Қазақстан астанасына жиналады.
Шара барысында нысандарға баратын барлық БАҚ өкілдері үшін аккредитациядан өту міндетті болып табылады.
Кімдер аккредитация ала алады
- Баспа және онлайн-БАҚ
- Фотографтар және видеооператорлар
- Телевизиялық және хабар таратушы БАҚ
- Ақпараттық агенттіктер
- Контент-мейкерлер (стримерлер, блогерлер)
Аккредитация санаттары «Болашақ Ойындары 2026» (GOTF 2026) үш санатты бөліп көрсетеді. Жоспарланған жарияланымдарға сәйкес келетінін таңдаңыз:
- Медиақұқықтар бойынша лицензияланған серіктес. Құқық иеленушімен медиақұқықтар туралы келісімге қол қойған телехабар тарату компаниялары, цифрлық стримингтік платформалар және OTT-сервистер. Лицензиялық келісімнің шарттарына сәйкес жұмыс істеді.
- Трансляциялау құқығы жоқ аккредиттелген БАҚ. Іс-шараны редакциялық мақсатта жариялайтын баспа БАҚ, фотографтар, ақпараттық агенттіктер және телевизиялық жаңалықтар топтары. Жарыс сигналдарын тікелей эфирде көрсетуге және қайта таратуға жол берілмейді.
- Бекітілген стримерлер және стриминг бойынша серіктестер. Материалдарды тікелей эфирде немесе аздаған кідіріспен тарататын контент жасаушылар мен стримерлер. Ұйымдастырушылар мен медиақұқық иеленуші тарапынан жеке мақұлдау талап етіледі.
Өтінімді қалай беруге болады
Ресми форманы «Болашақ Ойындары 2026» (GOTF 2026) сайт арқылы жіберіңіз: аккредитацияға сілтеме
Мерзімдері
«Болашақ Ойындары 2026» (GOTF 2026) турниріне бұқаралық ақпарат құралдарын аккредитациялауға өтінімдер қабылдау 2026 жылғы 10 шілдеге дейін қоса алғанда ашық. 2026 жылғы 10 шілдеден кейін жіберілген өтінімдер қаралмайды және қабылданбайды.